२१ साउन, काठमाडौं । चर्चित डन दिनेश अधिकारी चरी मुठभेडमा मारिएका छन् । उनीमाथि काठमाडौं र धादिङको सीमामा पर्ने भीमढुंगामा उनीमाथि गोली प्रहार भएको हो ।
घटनास्थलमा पुगेका महानगरीय प्रहरी अपराध महाशाखा प्रमुख प्रमुख एसएसपी पुष्कर कार्कीले चरी मारिएको पुष्टि गरेका छन् ।
चरीको साथबाट अत्याधुनीक हतियार बरामद भएको प्रहरीले जनाएको छ ।
प्रहरी स्रोतले चरी काठमाडौं आएको खबरपछि खोजी थालिएको र भीमढुंगामा मुठभेड भएको बताएको छ ।
चरीमाथि ८ राउण्ड गोली प्रहार भएको छ । मुठभेडका क्रममा प्रहरीमाथि पनि ७ राउण्ड गोली प्रहार भएको थियो ।
धादिङका राधे भण्डारमिाथि खुकुरी हानेको अभियोग लागेपछि चरी केही समयदेखि सार्वजनिक रुपमा हिडडुल गरिरहेका थिएनन् ।
धादिङ क्षेत्र नम्बर १ का एमाले पूर्वउपाध्यक्ष समेत रहेका अधिकारी बिभिन्न प्रकरणमा प्रहरी निगरानीमा थिए ।