राजदरबार हत्याकाण्ड भएको १३ वर्ष पुरा
Admin / 2014-06-02 04:10:07
नेपाल ब्युरो – जेठ १९, काठमाडौँ ।
राजदरबार हत्याकाण्ड भएको आज १३ वर्ष पूरा भएको छ ।
२०५८ साल जेठ १९ गते आजकै दिन भएको हत्याकाण्डमा तत्कालीन राजा विरेन्द्र, रानी ऐश्वर्या, युवराज दीपेन्द्र सहित राजपरिवारका १० सदस्यको ज्यान गएको थियो । शुक्रबारको पारिवारीक जमघटका क्रममा गोली चल्दा विरेन्द्रको वंशनास भएको थियो ।
पारीवारीक हत्याकाण्डलगत्तै तत्कालीन सभामुख तारानाथ रानाभाटको संयोजकत्वमा गठित उच्चस्तरीय छानविन समितिले घटनामा तत्कालिन युवराज दीपेन्द्रको हात रहेको प्रतिवेदन बाहिर ल्याएको थियो ।
प्रतिवेदनको निष्कर्षमा नेपाली जनता अझै विश्वस्त हुन सकिरहेका छैनन् । दरबार हत्याकाण्ड भएको १३ वर्ष बितिसक्दा पनि बास्तविकता अझै बाहिर आउन सकेको छैन । अहिले संवैधानिक राजतन्त्रलाई स्वीकार गर्दै आएका नेपाली कांग्रेस र नेकपा एमाले लगायतका दलहरु पनि गणतन्त्रलाई स्वीकार गर्दै तत्कालीन नेकपा माओवादीसंग १२ बुंदे समझदारी गर्न पुगेका थिए ।
त्यसको जगमै २०६२–०६३ को जनआन्दोलनबाट राजसंस्थाको नै अन्त्य भएको थियो । पूर्व राजा बस्दै आएको नारायणहिटी दरबार अहिले संग्रहालयमा परिणत भइसकेको छ ।
प्रकाशित मिति: 2014-06-02 04:10:07
प्रतिक्रिया: