संसद बैठक छैटौं पटक अवरुद्ध
Admin / 2014-09-12 08:43:38
नेपाल ब्युरो– भदौ २७, काठमाडौ ।
विपक्षीहरुको अवरोधका कारण व्यवस्थापिका संसदको बैठक आज लागातार छैटौं पटक अवरुद्ध भएको छ ।
व्यवस्थापिका संसदको बैठक आज लागातार छैटौं पटक स्थगित भएपछि सभामुख नेम्वाङले संसद खुलाउने विषयमा गम्भीर बन्न दलहरुलाई आग्रह गर्नुभएको हो ।
सभामुख सुवास नेम्वाङले तत्काल संसदको अवरोध हटाउन सरकार र प्रतिपक्षी दलहरुको ध्यानाकर्षण गराउनुभएको छ । पटक–पटक संसदको अबरोध खुलाउन ध्यानाकर्षण गराउदा समेत सम्बन्धित पक्षले यसलाई गम्भीर रुपमा नलिएको उहाँको गुनसो थियो ।
सभामुख नेम्वाङले संसदको अवरोधका कारण विनियोजन विद्येयकमाथिको छलफल रोकिएको बताउनुभयो । जनप्रतिनिधि मुलक संस्थाको काम–कारबाही अवरुद्ध हुँदा जनताका समस्याबारे छलफल र त्यसको समाधान गर्न नसकिने उहाँको भनाइ थियो ।
यसअघि संसद बैठक सुरु हुनासाथ एकीकृत माओवादीका सभासद अग्नी सापकोटाले संसद सुचारु गर्न सरकार गम्भीर नभएको भन्दै सभामुखसँग सरकारलाई रुलिङ गर्न माग गर्नुभएको थियो ।
सापकोटाले सरकारले विपक्षी दलहरुको मागलाई बेवास्ता गरे कडा आन्दोलन गर्ने चेतावनी समेत दिनुभयो । चार बुँदे सहमति कार्यान्वयनको माग राखेर विपक्षी दलहरुले लगातार संसद बैठक अवरुद्ध गर्दै आएका छन् ।
प्रकाशित मिति: 2014-09-12 08:43:38
प्रतिक्रिया: